歡迎大家分享比身邊既朋友👍
致每位想做搞手既人🙆🏻♂️:
我想分享少少作為一個搞手既心得
我唔敢話我係一個好搞手
但我絕對從未試過令參加聚會既朋友有煩惱！
我自己由六年前開始變左一個朋友眼中既搞手
最多果次搞過三百人Party
而曾經亦透過做搞手搵錢💸
首先作為搞手三大要素‼️
1️⃣唔可以怕食蝕底！
可能你會覺得點解咩都係我book咩都係我負責哂嫁？咁但係搞手尼個位真係唔係人人做得到，大家對你有信心先聽你講。如果連搞手都怕蝕底，咁參加既人重點信得過你，所以做搞手係要揹飛嫁！😥
2️⃣最好安排有能力既人幫你手！
當你搞既party人數超過20人，我相信一個人應該搞唔掂，所以應該按相應參加人數，安排幾多位幫手💪所以通常搞手都一定係最yo最social果個🤪
3️⃣要識得為人切想！
其實搞活動都係想大家一齊吃喝玩樂開開心心
所以應該做每個決定前都要為每個人諗🤫
經常有好多問題？食咩好？去邊好？玩咩好？
尼樣最煩惱既其實就最簡單解決！
先係whatsapp group list 幾樣出黎，限時投票，咁當然票數最多就簡邊樣啦
又例如打邊爐買野食，三十人，咪分工三四個人:
一個負責買肉買丸
一個負責買海鮮
一個負責買菜調味料
一個負責買野飲
尼個時候你會話🗣:嘩三十人點一個人拎得哂呀
咁但係你三十人一齊打得邊爐姐係fd啦？🤗
Fd就緊係會幫手啦
咁所以決策既只有一個人！
做野既就可以好多人
—————————
最後最後緊係講錢啦！
我通常兩種做法
我多數支持前者!
1️⃣一個人揹哂數再收！
通常又會話啦🗣:咁咪會有人走數？
咁如果係你自己既錢，你唔會唔在意下話？
咁你咪係入場前收左錢先
好似船P咁！🛥
我諗無搞手船P等上船先收呱？
通常甲齊人數就要收！
如果比左錢又去唔到就參加者自己問題啦
多數都無得退錢，唔通我要逐個再收翻個差額？
2️⃣先收錢後退錢
做法: 例如搞house party!!一定好多野買！
又買野食又買野飲又買game又買下啲裝飾
咁其實可以大概計下條數
例如，你大概計過每人平均要$238.8左右，你咪mark up到$260，咁錢多左，自然會多左選擇，最多有淨啦，多退咪逐個退翻，淨幾十既咪搞個小抽獎又好
比搞手袋都好，我諗你地唔會咁計教果幾十蚊下話？
🎉🎉🎉
總括而言:
做得搞手就要有翻做搞手既責任！
無心搞就唔好搞！
如果唔係搞完之後大家又傷和氣！
重有重有:
我未試過！
不過成日聽日講話啲搞手食水深！
如果你真係覺得食水深
咁你又比錢？你比錢姐係代表你同意左！
尼個時候你又會話🗣:下，咁無得簡呀嘛，次次都係佢做搞手！
咁你咁唔抵得，點解你唔做搞手呢？
希望以上長篇廢up幫到大家🤗
最後要同搞手講聲: 真係好好多謝你地❤️
#搞手 #event #party #心得 #朋友 #聚會
Search